Macarıstan magistratura təhsili üçün çox müraciət edilən Mərkəzi Avropa ölkələrindəndir. Ölkənin yaşam standartları, təhsil keyfiyyəti, tələbələrə yaradılan şərait bir çox inkişaf etmiş ölkə ilə yarışa bilər.

Magistraturaya müraciət və qəbul şərtləri

Müraciət etmədən öncə şərtləri diqqətlə araşdırmaq lazımdır. Bakalavr diplomu ilə yanaşı, beynəlxalq dil sertifikatı da tələb olunmaqdadır. IELTS balı 6.5, TOEFL 79 olmalıdır. İngilis dili bilikləri kifayət qədər olmazsa, universitetlər hazırlıq kursu təklif edir. Macarıstanın bəzi universitetləri ikili diplom imkanı da yaradır. 

Macarıstanda magistratura üstünlükləri
Uyğun təhsil haqqı və yaşam xərclərinə görə tələbələrin sevdiyi ölkə olan Macarıstan onlara həm də part-taym işləmə icazəsi verir. Bununla da tələbələrin öz aylıq xərclərini ödəməsinə kömək edir. Macarıstanda magistr diplomu qazanan hər bir gənc bir müddət ölkədə qalıb işləyə bilər. Bu diplomla, eyni zamanda, dünyanın istənilən ölkəsində iş axtarışına çıxmaq mümkündür.