“ARI” xaricdə təhsil mərkəzi xaricdə dil öyrənmək arzunuzu reallaşdırmaq üçün xidmətinizdədir. Biz 10 illik bir təcrübəyə – Beynəlxalq Dil və İmtahan Mərkəzinin fəaliyyətinə əsaslanan portfoliomuzla sizin tələblərinizə cavab verə biləcəyimizə əminik.
Xarici dili tez və keyfiyyətli öyrənmək hər kəsin arzusudur. Məktəbdə, universitetdə və ya işdə öyrənilən xarici dili sürətlə təkmilləşdirib yüksək səviyyəyə çatdırmaq xəyal deyil. Ən effektiv metodlardan biri xarici dil kurslarında iştirak etməkdir.
“ARI” xaricdə təhsil mərkəzi əsasən ingilis və alman dilləri üzrə xarici dil kursları ilə əməkdaşlıq edir. Almaniya və İngiltərədəki tanınmış dil kursları istədiyiniz sahəyə aid, dil səviyyənizə uyğun və arzuladığınız müddətdə intensiv dil dərsləri ilə sizi qarşılamağa hazırdır. Xarici dil kursuna yazılmadan öncə mərkəzimizdə dil səviyyənizi də dəqiq öyrənə bilərsiniz.
Xaricdəki kursla bağlı qərar qətiləşdikdən sonra bütün proses “ARI” xaricdə təhsil mərkəzinin nəzarəti altında həyata keçirilir. Qəbul üçün müraciət, qeydiyyat üçün yazışma, viza almaq kimi sənədləşmə işləri yüksək peşəkarlıqla yerinə yetirilir.
Xarici dil kurslarına ilin istənilən fəslində getmək mümkündür. Qış və ya yay tətilində, yaxud Azərbaycanda olan uzunmüddətli bayram günlərini əsas götürərək, hətta işdən icazə ala bilirsinizsə, məxməri payızda dil biliklərinizi artırmaq üçün xaricə gedə bilərsiniz.
Xarici dil kursu üçün hansı ölkəyə getməyinizdən asılı olmayaraq, “ARI” xaricdə təhsil mərkəzi sizi həmin ölkə ilə bağlı bütün əsas məlumatlarla – tarixi, görməli yerləri, muzey və teatrları, ən dadlı qəhvə dükanının yeri, təmin edəcək.
Mən alman dilini Beynəlxalq Dil və İmtahan Mərkəzində öyrənmişəm. ÖSD imtahanından əldə etdiyim B2 sertifikatı ilə Almaniyada təhsil almaq imkanı qazanmışam. “Studienkolleg”də uğurla oxumağımın əsas səbəblərindən biri də almanca dil biliyimin yaxşı səviyyədə olmasıdır.
Beynəlxalq Dil və İmtahan Mərkəzi ilə buradakı alman dili kursları arasında ciddi fərq yoxdur. Hətta Bakıda bəzi məsələlərdə üstünlüyümüz vardı. Məsələn, azərbaycanlı müəllimlərlə qrammatikanı daha yaxşı öyrənə bilirdik.
Mən Azərbaycan Tibb Universitetində təhsil alırdım. Almaniyada tibb təhsilimi davam etdirmək üçün BDM-ə müraciət etdim. Burada həm almanca öyrəndim, həm də sənədləşmə işlərimi tamamladım. Nəticə - mən Berlində oxuyuram.
Təhsil üçün xaricdə universitet axtararkən “ARI” xaricdə təhsil mərkəzi ilə məsləhətləşdim. Mərkəzin mütəxəssisləri Türkiyənin nüfuzlu Koç Universitetini tövsiyə etdilər. Hazırda kompüter texnologiyaları sahəsində aldığım təhsildən çox razıyam.
Almaniyada Ştudienkollecdə oxumaq üçün alman dilini BDM-də öyrəndim. Məni Almaniyadakı təhsilə hazırlayan və sənədləşmə işlərində kömək edən BDM-in peşəkarlığı sayəsində mən arzuladığım şəhərdə və ixtisasda oxuyuram.
Almaniyada ödənişsiz təhsil almaq istəyirsən? Amma mürəkkəb sənədləşmə prosesi səni yorub?
Üstəlik qəbul olunacağına zəmanət vermirlər?
Onda birbaş “ARI”ya gəl!
“ARI” düzgün universitet seçimi, rahat, qüsursuz sənədləşmə və ideal xidmət deməkdir!
Fətəli xan Xoyski prospekti, 108b
AZ1072, Bakı, Azərbaycan.
+994 12 480 40 28
+994 55 224 00 54
aritehsil.az
hello@aritehsil.az
ARI Beynəlxalq Dil və İmtahan Mərkəzinin əməkdaşlarının Xəzər Universitetinin tələbələri ilə görüşü keçirildi. 🗓️
🤝 Keçirilən görüşdə universitet tələbələrinə xaricdə magistratura təhsili və təqaüd proqramları haqqında ətraflı məlumat verildi.
Görüşdə Mərkəzimizin Direktoru İnarə Əliyeva xaricdə təhsilin önəmi, ixtisaslara uyğun olaraq xaricdə təhsilin planlaşdırılması, tələb olunan beynəlxalq imtahanlar, sertifikatlar və s. mövzular haqqında dolğun məlumatlar verdi. 🙌
Tədbirin ikinci hissəsində isə tələbələrin sualları cavablandırıldı. Böyük maraqla qarşılanan tədbirdə aktiv iştirak edən 3 tələbəyə ARI Beynəlxalq Dil və İmtahan Mərkəzi tərəfindən hədiyyələr təqdim olundu. 🎁
ARI Beynəlxalq Dil və İmtahan Mərkəzinin yeni ofisinin rəsmi açılış tədbiri keçirilib. Tədbirdə Azərbaycan Milli Məclisinin deputatları, Elm və təhsil nazirliyinin nümayəndələri, bir sıra xarici ölkələrin Azərbaycandakı səfirliklərinin təmsilçiləri, müxtəlif yerli və beynəlxalq təşkilatların nümayəndələri iştirak ediblər.
Açılış tədbirində çıxış edən ARI Beynəlxalq Dil və İmtahan mərkəzinin direktoru İnarə Əliyeva qonaqları salamlayaraq mərkəzin fəaliyyəti, uğurları və hədəfləri haqqında məlumat verib. Daha sonra Azərbaycan Respublikası Milli Məclisinin elm və təhsil komitəsinin sədr müavini, professor cənab Musa Qasımlı, Milli Məclisin üzvü, deputat cənab Naqif Həmzəyev, Milli Məclisin üzvü, deputat cənab Ramil Həsən, Avstriya səfirliyinin konsulu cənab Gerhard Lutz, Türkiyə səfirliyinin təhsil müşaviri cənab Ali Rıza Altunel, Alman-Azərbaycan Xarici Ticarət Palatasının sədri Tobias Bauman, TRT Bakı təmsilçisi, dəyərli Murat Akkoç, YAP Yasamal rayon təşkilatının sədri cənab Bəxtiyar Nəbiyev elm və təhsilin inkişafı istiqamətində ARI-ya uğurlar arzulayıblar.
2010-cu ildən etibarən fəaliyyət göstərən ARI Beynəlxalq Dil və İmtahan Mərkəzinin Elmlər Akademiyası yaxınlığında yerləşən yeni ofisi tələbələr üçün daha əlçatan olacaq.
Mərkəzdə alman, ingilis, fransız və digər bu kimi dillərin tədrisi ilə yanaşı ABŞ, Kanada, Almaniya, Türkiyə və müxtəlif Avropa ölkələrində təhsil almaq istəyən tələbələrə konsultasiya xidməti göstərilir, onlara individual olaraq ən uyğun və doğru istiqamətlənmiş yol xəritəsi təqdim edilir.
Tələbələr həmçinin, yüksək ixtisaslı peşəkar müəllim heyəti tərəfindən SAT, TOEFL, IELTS kimi beynəlxalq ingilis dili imtahanlarına tam məsuliyyətlə hazırlaşırlar. Qeyd edək ki, ARI Beynəlxalq Dil və İmtahan mərkəzi alman dili üzrə beynəlxalq imtahan hesab edilən ÖSD və TELC imtahan mərkəzinin rəsmi və yeganə təmsilcisidir.
Bütün bu xidmətlərdən yararlanmaq istəyən şəxslər məkrəzin yeni ofisinə yaxınlaşa və ya sosial media hesablarından ətraflı məlumat əldə edə bilərlər.
“ARI”da təşkil olunan seminarda Amerika Birləşmiş Ştatlarının Kansas Universitetinin tələbəsi Firəngiz Qənbərli Amerikadakı tələbə həyatı haqqında sualları cavablandırdı. O, əksər gənclərin xəyalı olan Amerika haqqında təəssüratlarını bölüşərkən bu ölkədə təhsil almağın üstünlükləri və çətinlikləri haqqında ətraflı məlumat verdi.
İtaliya qədim mədəniyyət beşiyi olması, zəngin mətbəxi, ötən yüzillikdə dünya mədəniyyətinin əksər sahələrinə istiqamət verməsi ilə öyünə bilər. “ARI”nın təşkil etdiyi seminarda isə Roma Biotibb Universitetinin (Università Campus Bio-Medico di Roma) tələbəsi Cümşüd Həsənov bu maraqlı ölkəni həm də keyfiyyətli təhsil mərkəzi kimi tanıtdı.
Qədim Roma həm də keyfiyyətli və müasir təhsil mərkəzidir.
Biotibb Universitetinin (Università Campus Bio-Medico di Roma) tələbəsi, gələcəyin cərrahı Cümşüd Həsənov İtaliyadakı tələbə həyatı haqqında danışır.
“ARI” xaricdə təhsil mərkəzi xaricdə təhsil almaq istəyən tələbələrə təhsil və karyera hədəflərinə uyğun etibarlı və peşəkar xidmət göstərən bir mərkəzdir. Başda Almaniya, Türkiyə, ABŞ, İngiltərə olmaqla dünyanın bir çox prestijli ali təhsil müəssisələrinə bütün təhsil mərhələləri üzrə qəbul prosesini həyata keçirir, dil kursları, orta məktəb təhsili, sertifikat proqramları, yay məktəbləri üzrə konsultasiya xidməti göstərir. Lətif İmanov küçəsi, 35, AZ1141, Bakı, Azərbaycan
