“ARI” xaricdə təhsil mərkəzi tələbələrimizə viza dəstəyi xidməti göstərir. Xaricə gedərkən viza almaq üçün müraciət edilən ölkənin qanunları ilə yaxından tanış olmaq lazımdır. Hər il səhv doldurulmuş müraciət formalarına və ya əskik təqdim olunmuş sənədlərə görə yüzlərlə viza müraciətinə rədd cavabı alınır.
Viza alınması sahəsində çoxillik təcrübəyə malik “ARI” xaricdə təhsil mərkəzi müraciəti qüsursuz şəkildə yerinə yetirərək rədd cavab ehtimalını minimuma endirir. Sizdən tələb olunan sadəcə lazımi sənədləri vaxtında və tam şəkildə bizə təqdim etməyinizdir.
“ARI” arxanızca əl yelləyəcək: Yaxşı yol!
Xaricə gedənə qədər öyrənmək istədiyiniz dili müəyyən səviyyədə bilməyə çalışın.
Əlbəttə, vaxtınız varsa və maddi vəziyyətiniz imkan verirsə, orada xarici dilə sıfırdan başlaya bilərsiniz. Əgər müəyyən bir səviyyə ilə getmək istəyirsinizsə, onda yaxın tərəfdaşımız Beynəlxalq Dil və İmtahan Mərkəzini tövsiyə edə bilərik. Mərkəz bu günə qədər intensiv və standart kursları ilə yüzlərlə tələbənin xarici dilə yiyələnməsinə kömək edib.
Xarici dili sürətli öyrənmək üçün mümkün qədər ana dilindən “uzaq olun”.
Xaricə getdikdə ana dili də daxil olmaqla bildiyiniz dillərdən qətiyyən istifadə etməyin. Tamamilə öyrənmək istədiyiniz xarici dilə fokuslanın. Bu müddət ərzində dinlədiyiniz mahnıların, baxdığınız filmlərin, söhbətlərin sadəcə xarici dildə olmasına diqqət edin. Bu, sizin hədəfə çatmaq üçün daha az məsafə qət etməyinizə səbəb olacaq.
Öyrəndiyiniz dildə yaradılmış sənət nümunələri ilə tanış olun.
Müxtəlif ölkələrdən gəlmiş kurs yoldaşlarınız və müəllimlərinizlə söhbətdə sizin dünyagörüşünüzün miqyasını göstərən məlumatlara ehtiyacınız olacaq. Bu bilgilərə həm də xarici dildə daha çox danışa bilməyinizə kömək edən informasiya bloku kimi baxın.
Almaniyada bakalaviatura təhsili 3 ildir, bəzi fakültələrdə bu mərhələ 4 il də ola bilər. Texniki və klassik universitetlərə bölünən Almaniya universitetlərində baza təhsil (Grundstudium) və əsas təhsil (Hauptstudium) tətbiq olunur. Baza biliklərin öyrədildiyi mərhələ 2 il davam edir və onu ara imtahan – Zwischenprüfung verməklə tamamlamaq mümkündür. Bu imtahandan sonra əsas təhsil mərhələsi başlayır. İxtisaslaşma da məhz bu mərhələdə baş verir. Üç ildən sonra imtahanları uğurla vermiş tələbələr bakalavr diplomu əldə edirlər.
Amma hüquqşünaslıq, stomatoloq, veterinar, tibb, əczaçılıq və qida mühəndisliyi kimi bəzi ixtisaslar üçün əlavə daha bir imtahan – əyalət imtahanı da (Staatsprüfung) verilməlidir. Bəzi pedaqoji ixtisaslarda da bu imtahan tələb olunur.
Almaniyanın bakalavr diplomu kifayət qədər sanballı sənəddir. Bu diplom həm ölkənin özündə, həm də xaricdə iş tapmaq üçün kifayət edir.
“Ausbildung” Almaniyada iş imkanı deməkdir. Müraciətçi həm seçdiyi ixtisas üzrə işləyir, həm bu bu ixtisasa aid nəzəri biliklərini artırmaq üçün təhsil alır. “Ausbildung”un müddəti 2-4 il olaraq müəyyənləşdirilib. Təhsil müddətində ara və yekun imtahanlar verilir. “Ausbildung”də təqaüd imkanı da var: ixtisasdan asılı olaraq 300-1200 avro arası hesablanan təqaüd “Ausbildungsvergütung” alınır.
“Ausbildung”u uğurla bitirənlər ştudienkollec oxumadan universitetə müraciət edə bilərlər. Amma “Ausbildung” diplomu da olduqca faydalı sənəd sayılır. Bu diplomla istər Almaniyada, istərsə də digər ölkələrdə iş tapmaq çətin olmur. Təki oxuyarkən düzgün ixtisas seçilmiş olsun.
Xaricdəki dil kursunda dil öyrənərkən proses avtomatik olaraq sinif otağından küçəyə çıxır və hər yerdə sizi əhatə edir. Oturduğunuz kafedə, getdiyiniz ticarət mərkəzində, yaşadığınız hoteldə öyrənmək istədiyiniz dilin daşıyıcıları ilə daim ünsiyyətdə olursunuz. Bu prosesdə siz nəinki ədəbi dili öyrənir, dilin müxtəlif dialektləri də tanış olur, jarqonlar və hətta arqolarla üz-üzə gəlirsiniz. Öyrəndiyiniz xarici dili hər gün daha yaxşı anlamağa başladıqca motivasiyanız yüksəlir. Xarici dili nə qədər daha yaxşı başa düşməyə başlayırsınızsa, o qədər də uğur qazanmış sayılırsınız.
Xarici dil öyrənmək zamanın tələbidir. Hər gün yenilənən texnologiyanın dili, qlobal biznes əlaqələri, xarici tərəfdaşlarla birbaşa ünsiyyətə girmək ehtiyacı hər addımla bizimlədir. İnnovasiyaları biznesə tətbiq etmək texnologiyanın dilini bilməkdən keçir. Qısamüddətli turist səfərində belə dil bilmək həyat xilas edə bilər.
Dil öyrənmək müddəti metodikadan asılı olduğu kimi, sizin əzmkarlığınızla da düz mütənasibdir. Bir il ərzində rahat şəkildə, özünüzü dolğun ifadə edəcək qədər öyrənmək mümkündür. 6 aylıq intensiv dərslər vasitəsilə də mənimsəyə bilərsiniz. Dil bilikləri gündəlik fəaliyyətə nə qədər çox inteqrasiya edilərsə, öyrənilmə müddəti də o qədər effektiv olar. Öyrəndiyiniz xarici dili mütləq tətbiq edin!
Təhsilə çox önəm verən bir ölkə olaraq Almaniya xarici tələbələrin ölkəyə gəlməsinə rahat şərait yaradır. Yəni ən azı B1 dil sertifikatı və orta məktəb attestatı xarici tələbə üçün kifayət edir.
Ştudienkollec oxumadan universitetə girmək istəyirsinizsə, onda Azərbaycanda heç olmasa bir il ali təhsil almış olmanız lazımdır. Müvafiq səviyyəyə uyğun alman dili sertifikatını da unutmuruq.
Əgər Almaniyada almanca deyil, ingiliscə oxumaq istəyirsinizsə, onda minimum 6 IELTS balı toplamalısınız. İngiliscə oxuduqda belə Almaniyada təhsiliniz pulsuz olacaq.
Ümumiyyətlə Amerikada oxumaq, yaşamaq hər zaman arzum olub, ancaq bunun nə vaxtsa gərçəkləşəcəyini düşünmürdüm. Səbəbi isə təbii ki, Amerikada yaşayışın və təhsil haqqının yüksək olması idi. Lakin ARI xaricdə təhsil şirkəti ilə tanış olduqdan sonra arzularımın əslində reallaşa biləcəyini gördüm.
Mən alman dilini Beynəlxalq Dil və İmtahan Mərkəzində öyrənmişəm. ÖSD imtahanından əldə etdiyim B2 sertifikatı ilə Almaniyada təhsil almaq imkanı qazanmışam. “Studienkolleg”də uğurla oxumağımın əsas səbəblərindən biri də almanca dil biliyimin yaxşı səviyyədə olmasıdır.
Beynəlxalq Dil və İmtahan Mərkəzi ilə buradakı alman dili kursları arasında ciddi fərq yoxdur. Hətta Bakıda bəzi məsələlərdə üstünlüyümüz vardı. Məsələn, azərbaycanlı müəllimlərlə qrammatikanı daha yaxşı öyrənə bilirdik.
Mən Azərbaycan Tibb Universitetində təhsil alırdım. Almaniyada tibb təhsilimi davam etdirmək üçün BDM-ə müraciət etdim. Burada həm almanca öyrəndim, həm də sənədləşmə işlərimi tamamladım. Nəticə - mən Berlində oxuyuram.
Almaniyada Ştudienkollecdə oxumaq üçün alman dilini BDM-də öyrəndim. Məni Almaniyadakı təhsilə hazırlayan və sənədləşmə işlərində kömək edən BDM-in peşəkarlığı sayəsində mən arzuladığım şəhərdə və ixtisasda oxuyuram.
“ARI” xaricdə təhsil mərkəzi partnyorluq şəbəkəsini genişləndirməyə davam edir.
Mərkəzin direktoru İnarə Əliyeva qış sessiyasından öncə Türkiyənin bir neçə universitetində görüşlər keçirib. Koç Universiteti, Üsküdar Universiteti, Başkent Universiteti, Sabancı Universiteti, Acıbadem Universiteti və Bahçeşehir Universitetində baş tutan görüşlərdən sonra sözügedən təhsil müəssisələri ilə əməkdaşlıq müqavilələri imzalanıb.
“ARI” xaricdə təhsil almaq istəyən tələbələrə ən yaxşı variantlar təklif edə bilmək üçün araşdırmalarını davam etdirməkdə və müxtəlif ölkələrin nüfuzlu universitetləri ilə danışıqlar aparmaqdadır.
ARI da sizinlə birlikdə sərgidə olacaq. Hər birinizi şənbə günü Study Care Beynəlxalq Təhsil Sərgisində stendimizə gözləyirik. Gəlin, xaricdə təhsil planlarınızı birlikdə quraq.
Sərgi Oktyabrın 8-i, saat 12:00-17:00 arasında Hilton Hotelində keçiriləcək.
ARI ilə tanışlıq sizə xaricdə təhsil hədəflərinizə çatmaq üçün müsbət imkanlar qatacaq.
“ARI”ya okeanın o tayından cavab gəldi! Tələbəmiz Fəridə Səfərli ABŞ-ın tanınmış universitetlərindən USF-ə (University of South Florida), biotibb mühəndisliyi ixtisasına qəbul olunub! 🔺 Həm də 75% “USF Green and Gold Presidental Award” təqaüdü ilə!
🎈 Tələbə adın mübarək, əziz Fəridə! Sənə Amerikada uğurlar!
Almaniyada ödənişsiz təhsil almaq istəyirsən? Amma mürəkkəb sənədləşmə prosesi səni yorub?
Üstəlik qəbul olunacağına zəmanət vermirlər?
Onda birbaş “ARI”ya gəl!
“ARI” düzgün universitet seçimi, rahat, qüsursuz sənədləşmə və ideal xidmət deməkdir!
Fətəli xan Xoyski prospekti, 108b
AZ1072, Bakı, Azərbaycan.
+994 12 480 40 28
+994 55 224 00 54
aritehsil.az
Türkiyədə təhsil almaq istəyənlər üçün möhtəşəm fürsət! Xarici tələbələr üçün nəzərdə tutulan “Türkiye Bursları” təqaüd proqramına qeydiyyat başladı. Bu proqramda tələbələrə pulsuz təhsil, yataqxana, qidalanma, tibbi sığorta, təyyarə bileti və üstəlik əlavə təqaüd təklif edilir. Uğurla təhsil alan tələbələrə ikiqat təqaüd almaq imkanı verilir.
Türkiyənin nüfuzlu universitetlərində tibb, mühəndislik, beynəlxalq münasibətlər, maliyyə, beynəlxalq ticarət, dizayn və digər ixtisaslar üzrə təqaüdlə təhsil almaq imkanı sizi gözləyir!
Ali təhsilin BÜTÜN pillələri üzrə sənədləşmə prosesinin qüsursuz yerinə yetirilməsi üçün vaxt itirmədən “ARI”ya gəlin.
Sizə təqaüd proqramına onlayn qeydiyyatdan keçməkdə, tövsiyə və niyyət məktubları, müasir formatda tərcümeyi-hal yazmaqda kömək edəcəyik. Türkiyədəki tələbə həyatı haqqında ətraflı məlumat da bonus olsun!
“ARI” xaricdə təhsil mərkəzi xaricdə təhsil almaq istəyən tələbələrə təhsil və karyera hədəflərinə uyğun etibarlı və peşəkar xidmət göstərən bir mərkəzdir. Başda Almaniya, Türkiyə, ABŞ, İngiltərə olmaqla dünyanın bir çox prestijli ali təhsil müəssisələrinə bütün təhsil mərhələləri üzrə qəbul prosesini həyata keçirir, dil kursları, orta məktəb təhsili, sertifikat proqramları, yay məktəbləri üzrə konsultasiya xidməti göstərir. Lətif İmanov küçəsi, 35, AZ1141, Bakı, Azərbaycan
