Dünyanın və Kanadanın top universitetlərindən olan Toronto Universitetinin nümayəndəsi ARI-da tələbələrimizlə görüşdü. 

Universitetin qəbul şöbəsi üzrə nümayəndəsi Misha Vorotyntsev öz çıxışında Toronto Universitetinin qəbul şərtləri, təqaüd şansları haqqında ətraflı məlumat verdi. 

30 noyabr tarixində mərkəzimizdə Özyeğin Universitetinin nümayəndəsinin iştirakıyla seminar keçirildi.

Seminarda universitetin qəbul şərtləri, tədris proqramı və s. mövzular müzakirə olundu. 

Noyabrın 23-ü mərkəzimizdə “Amerikada Magistratura təhsili” adlı seminar keçirildi.

Seminarda John Hopkins Universitetinin tələbəsi Kürşat Gök öz təcrübələrini bölüşdü və tələbələrimizin suallarını cavabladı.

ARI Beynəlxalq Dil və İmtahan Mərkəzinin yeni ofisinin rəsmi açılış tədbiri keçirilib. Tədbirdə Azərbaycan Milli Məclisinin deputatları, Elm və təhsil nazirliyinin nümayəndələri, bir sıra xarici ölkələrin Azərbaycandakı səfirliklərinin təmsilçiləri, müxtəlif yerli və beynəlxalq təşkilatların nümayəndələri iştirak ediblər.

Açılış tədbirində çıxış edən ARI Beynəlxalq Dil və İmtahan mərkəzinin direktoru İnarə Əliyeva qonaqları salamlayaraq mərkəzin fəaliyyəti, uğurları və hədəfləri haqqında məlumat verib. Daha sonra Azərbaycan Respublikası Milli Məclisinin elm və təhsil komitəsinin sədr müavini, professor cənab Musa Qasımlı, Milli Məclisin üzvü, deputat cənab Naqif Həmzəyev, Milli Məclisin üzvü, deputat cənab Ramil Həsən, Avstriya səfirliyinin konsulu cənab Gerhard Lutz, Türkiyə səfirliyinin təhsil müşaviri cənab Ali Rıza Altunel, Alman-Azərbaycan Xarici Ticarət Palatasının sədri Tobias Bauman, TRT Bakı təmsilçisi, dəyərli Murat Akkoç, YAP Yasamal rayon təşkilatının sədri cənab Bəxtiyar Nəbiyev elm və təhsilin inkişafı istiqamətində ARI-ya uğurlar arzulayıblar.

2010-cu ildən etibarən fəaliyyət göstərən ARI Beynəlxalq Dil və İmtahan Mərkəzinin Elmlər Akademiyası yaxınlığında yerləşən yeni ofisi tələbələr üçün daha əlçatan olacaq.
Mərkəzdə alman, ingilis, fransız və digər bu kimi dillərin tədrisi ilə yanaşı ABŞ, Kanada, Almaniya, Türkiyə və müxtəlif Avropa ölkələrində təhsil almaq istəyən tələbələrə konsultasiya xidməti göstərilir, onlara individual olaraq ən uyğun və doğru istiqamətlənmiş yol xəritəsi təqdim edilir.

Tələbələr həmçinin, yüksək ixtisaslı peşəkar müəllim heyəti tərəfindən SAT, TOEFL, IELTS kimi beynəlxalq ingilis dili imtahanlarına tam məsuliyyətlə hazırlaşırlar. Qeyd edək ki, ARI Beynəlxalq Dil və İmtahan mərkəzi alman dili üzrə beynəlxalq imtahan hesab edilən ÖSD və TELC imtahan mərkəzinin rəsmi və yeganə təmsilcisidir.

Bütün bu xidmətlərdən yararlanmaq istəyən şəxslər məkrəzin yeni ofisinə yaxınlaşa və ya sosial media hesablarından ətraflı məlumat əldə edə bilərlər.
 

Oktyabrın 8-də Hilton Hotelində Beynəlxalq Təhsil Sərgisi keçirildi.

4 müxtəlif ölkədə 50-dən çox sərgi təşkil etmiş Study Care şirkətinin təşkilatçılığı ilə keçirilən sərgidə bir sıra xarici universitetlər, kolleclər, məktəblər, kurslar və həmçinin xaricdə təhsil şirkətləri iştirak etdi.

ARI xaricdə təhsil şirkəti olaraq, biz də həmin sərgidə iştirak etdik, xarici ölkələrdə təhsil almaq istəyən tələbələrə öz məsləhətlərimizi verdik.

Bu gün Avstriya Respublikasının ölkəmizdə yeni təyin olunmuş fövqəladə və səlahiyyətli səfiri cənab Tomas Şuller-Qötzburq mərkəzimizi ziyarət edib.

Cənab səfirə mərkəzimizin fəaliyyəti və gələcək planları haqqında ətraflı məlumat verilib.

Sonda xoş ziyarəti üçün kollektivimiz adından cənab səfirə təşəkkür edilib, fəaliyyətində uğurlar arzulanıb.

ARI da sizinlə birlikdə sərgidə olacaq. Hər birinizi şənbə günü Study Care Beynəlxalq Təhsil Sərgisində stendimizə gözləyirik. Gəlin, xaricdə təhsil planlarınızı birlikdə quraq.

Sərgi Oktyabrın 8-i, saat 12:00-17:00 arasında Hilton Hotelində keçiriləcək.

ARI ilə tanışlıq sizə xaricdə təhsil hədəflərinizə çatmaq üçün müsbət imkanlar qatacaq.
 

Tələbələrimiz üçün daha bir uğurlu tədbir keçirdik. “ARI” xaricdə təhsil mərkəzinin və Beynəlxalq Dil və İmtahan Mərkəzinin birgə təşkil etdiyi "Almaniya və Avstriyada təhsil" seminarı böyük maraqla qarşılandı.

Seminarın çıxışçıları “ARI” xaricdə təhsil mərkəzinin direktoru, alman dili üzrə beynəlxalq imtahangötürmə lisenziyasına sahib olan tanınmış təhsil eksperti İnarə Əliyeva, Avstriya Mübadilə Xidməti (OeAD) Bakı ofisinin rəhbəri Noemi Tankzos və DAAD lektoru Ludmilla Klotz idi.

Öncə İnarə Əliyeva Almaniyada təhsil barədə geniş məlumat verdi. Noemi Tanczos Avstriyadakı təhsil və ÖSD imtahanı haqda danışdı. Ludmilla Klotz isə DAAD proqramlarını tanıtdı. Sonra iştirakçıların çoxsaylı suallarına cavab verildi.

“ARI”nın seminarları davam edəcək. Növbəti seminarın hansı ölkələri əhatə etməsini istərdiniz? Lütfən, şərh bölməsinə maraqlandığınız ölkəni qeyd edin.

Hər kəsin Amerikada yaşamaq, təhsil almaq, işləmək kimi bir sıra xəyalları var. Bütün bu xəyalların səbəbini anlamaq çətin deyil. Həmin səbəblərdən bir neçəsini sizinlə bölüşürük.

1. Dünyanın ən yaxşı universitetləri siyahısında ən çox universiteti olan ölkə ABŞ-dır.
2. ABŞ universitetləri təhsil göstəricilərinizə əsasən müxtəlif təqaüdlər təklif edir. Xarici tələbələr üçün part-time iş imkanları da genişdir.
3. Bu ölkədə təhsil almaqla siz dünyanın müxtəlif millətlərindən olan insanlarla ünsiyyət quracaq, onların mədəniyyətləri ilə tanış olacaqsız.
4. ABŞ universitetlərinin xarici tələbələrlə işləyən departamentləri tələbələrin universitetə uyğunlaşmasına kömək edən dəstək proqramları həyata keçirirlər.
5. ABŞ universitetlərinin diplomları məzuniyyətdən sonrakı iş fürsətlərinə də müsbət təsir edir.
6. Amerikada kampus həyatı müəllimlər və tələbələr ilə sosial həm də akademik səviyyədə qarşılıqlı əlaqə yaratmağa imkan verir.
7. Beynəlxalq tələbələr üçün ABŞ-da təhsil almağın aşkar faydalarından biri də İngilis dili bacarıqlarınızı mükəmməlləşdirmək imkanıdır.
8. Amerikada təhsil almaq həm də ixtisasınızdan əlavə olaraq kurs proqramlarına qatılmaq imkanı deməkdir.
9. ABŞ-da təhsil təcrübəsi sizin tərcümeyi-halınızı və CV-nizi digərləri ilə müqayisədə daha parlaq göstərəcək.
10. Əgər siz ABŞ-da təhsil almağı seçsəniz, bu maraqlı ölkənin zəngin və fərqli təbiətini kəşf etməklə dərslərinizə daha motivasiyalı şəkildə yanaşacaqsınız.

Daha çox məlumat üçün sizi ARI-ya gözləyirik !
 

Bunlar əsasən SAT (Scholastic Aptitude Test) və ya ACT (The American College Testing Assessment) imtahanlarıdır. Bu iki imtahan çoxsaylı seçim sualları ilə standartlaşdırılmış imtahanlardır və dünyanın bir çox ölkəsində keçirilir.

SAT imtahanında “Mövzu testləri” adlı fənn testləri də var. Bu fənn testləri fizika, kimya, biologiya, ədəbiyyat, riyaziyyat, dünya tarixi, xarici dillər kimi müxtəlif fənlər üzrə keçirilir. “SAT Subject Test” üçün müraciət etməyi düşündüyünüz universitetlər, hansı fənn testini istədiklərini öz saytlarında qeyd edirlər. Hər iki imtahanda esse yazma tələbi də var. Amma ACT imtahanında istənilməyə də bilər. ACT imtahanında esse istəyən universitetlər bu tələbi veb səhifələrində qeyd edirlər.

Hər iki imtahanın balları fərqlidir; lakin, balınız nə qədər yüksək olsa, qəbul olunmaq və təqaüd tapmaq şansınız bir o qədər yüksək olur. Müraciət etməyi düşündüyünüz məktəblər bəzən əvvəlki illərdə qəbul etdikləri tələbələrin orta bal məlumatlarını öz internet səhifələrində paylaşırlar. Bu məlumatlarla tanışlıq ümumi mənzərə haqqında sizdə fikir formalaşdıra bilər.

Amerikada universitetə qəbul olunmaq üçün şübhəsiz ki, ingilis dili biliklərinizi təsdiqləyən TOEFL və ya IELTS imtahanlarından birini verməlisiniz. Bu imtahanın nəticəsi xarici tələbələrdən mütləq istənilir. Bu imtahanlarda yüksək bal toplamaq qəbul olunmaq və təqaüd tapmaqda sizə çox kömək edəcək.

Böyük imkanlar ölkəsi Amerika Birləşmiş Ştatları gənclərə 4500-dən çox universitet təklif edir. Bu universitetlərdə yüzlərlə təhsil proqramı, onlarla ixtisas ildən-ilə inkişaf edən fərqli metodlarla tələbələrə tədris olunur.  

Çoxmillətli, multikultural Amerika xarici tələbələrin dünyagörüşünüzün zənginləşməsində böyük rol oynayacaq.

Amerikada ixtisas seçimində çətinlik çəkirsinizsə, bəzi universitetlərdə 1-2 ümumi dərsdə iştirak etdikdən sonra ixtisas seçə bilərsiniz.

Amerika universitetləri çoxsaylı idman fəaliyyətləri təklif edir. Hər hansı bir növdə özünüzü kəşf edə bilərsiniz.

Məzun olduqdan sonra əldə etdiyiniz diplom sadəcə öz ölkənizdə deyil, istənilən dövlətdə sizə üstünlük qazandıracaq.

Bütün bunlarla bərabər, təhsil müddətində ingilis dilini yüksək səviyyədə öyrənmiş olacaqsınız.  

Bizə elə gəlir ki, Türkiyəni çox yaxşı tanıyırıq. Amma əmin olun ki, həm Avropadan, həm Asiyadan pay alan bu ölkə haqqında bilmədiklərimiz çoxdur. Zəngin tarixi, neçə-neçə mədəniyyəti, yüzlərlə adət-ənənəni özündə yaşadan bu ölkəni hər gün yenidən kəşf etməyin çox maraqlı bir yolunu təklif edirik – Türkiyədə təhsil almaq! 

Dünya universitetlərinin reytinq cədvəlində ilk 1000 arasında Türkiyənin 13 universiteti yer alır. 

Xatırladaq ki, Türkiyə universitet tələbələrinin sayına görə Avropada birinci yeri tutur. Ölkənin 207 universitetində 8 milyona yaxın tələbə oxuyur. Onlara 60 minə yaxın fərqli proqram təklif edilir. Siz də xarici tələbə olaraq bu qədər böyük seçim içində özünüzə uyğun proqram və universitet tapmaqda çətinlik çəkməyəcəksiniz.

Tibbdən mühəndisliyə, müəllimlikdən marketoloqluğa qədər çoxlu sayda ixtisas sizin öz potensialınızı üzə çıxarmaqda əvəzsiz rol oynayacaq. Bakalaviatura, magistratura, doktorantura, fərq etməz, hansı mərhələdən başlayırsınızsa, başlayın, Türkiyədə aldığınız təhsil gələcəkdə sizin yüksəksəviyyəli peşəkar kimi yetişməyinizdə öz sözünü deyəcək. 

Üstəlik, dil yaxınlığı, mətbəx, adət-ənənə bənzərliyi sizin bu ölkəyə daha tez adaptasiya olunmağınıza kömək edəcək. 

Amerikada mərkəzləşdirilmiş tələbə qəbulu sistemi olmadığı üçün hər universitet öz qaydalarına uyğun tələbə qəbul edir. Qəbulu çox çətin olan universitetlərlə yanaşı, aşağı bal və asan imtahanlarla da tələbəsi ola biləcəyiniz universitetlər var. 

Amerikaya gedə bilmək üçün universiteti və ixtisası hələ orta məktəbdə oxuyarkən seçmək lazımdır. Yaxşı olar ki, universitetə 12-18 ay əvvəldən müraciət edəsiniz. 

Amerikada dördillik universitetə qəbul olunmaq üçün verilən imtahanlar:  Bunlar əsasən SAT (Scholastic Aptitude Test) və ya ACT (The American College Testing Assessment) imtahanlarıdır. Bu iki imtahan çoxsaylı seçim sualları ilə standartlaşdırılmış imtahanlardır və dünyanın bir çox ölkəsində keçirilir. 

SAT imtahanında “Mövzu testləri” adlı fənn testləri də var. Bu fənn testləri fizika, kimya, biologiya, ədəbiyyat, riyaziyyat, dünya tarixi, xarici dillər kimi müxtəlif fənlər üzrə keçirilir. “SAT Subject Test” üçün müraciət etməyi düşündüyünüz universitetlər, hansı fənn testini istədiklərini öz saytlarında qeyd edirlər. Hər iki imtahanda esse yazma tələbi də var. Amma ACT imtahanında istənilməyə də bilər. ACT imtahanında esse istəyən universitetlər bu tələbi veb səhifələrində qeyd edirlər. 

Hər iki imtahanın balları fərqlidir; lakin, balınız nə qədər yüksək olsa, qəbul olunmaq və təqaüd tapmaq şansınız bir o qədər yüksək olur. Müraciət etməyi düşündüyünüz məktəblər bəzən əvvəlki illərdə qəbul etdikləri tələbələrin orta bal məlumatlarını öz internet səhifələrində paylaşırlar. Bu məlumatlarla tanışlıq ümumi mənzərə haqqında sizdə fikir formalaşdıra bilər. 

Amerikada universitetə qəbul olunmaq üçün şübhəsiz ki, ingilis dili biliklərinizi təsdiqləyən TOEFL və ya IELTS imtahanlarından birini verməlisiniz. Bu imtahanın nəticəsi xarici tələbələrdən mütləq istənilir. Bu imtahanlarda yüksək bal toplamaq qəbul olunmaq və təqaüd tapmaqda sizə çox kömək edəcək.
 

Böyük imkanlar ölkəsi Amerika Birləşmiş Ştatları gənclərə 4500-dən çox universitet təklif edir. Bu universitetlərdə yüzlərlə təhsil proqramı, onlarla ixtisas ildən-ilə inkişaf edən fərqli metodlarla tələbələrə tədris olunur.  

Çoxmillətli, multikultural Amerika xarici tələbələrin dünyagörüşünüzün zənginləşməsində böyük rol oynayacaq.  Amerikada ixtisas seçimində çətinlik çəkirsinizsə, bəzi universitetlərdə 1-2 ümumi dərsdə iştirak etdikdən sonra ixtisas seçə bilərsiniz.  Amerika universitetləri çoxsaylı idman fəaliyyətləri təklif edir. Hər hansı bir növdə özünüzü kəşf edə bilərsiniz.

Məzun olduqdan sonra əldə etdiyiniz diplom sadəcə öz ölkənizdə deyil, istənilən dövlətdə sizə üstünlük qazandıracaq. Bütün bunlarla bərabər, təhsil müddətində ingilis dilini yüksək səviyyədə öyrənmiş olacaqsınız.   
 

Almaniyada universitetə qəbul sənədini əldə etdikdən sonra təqaüd üçün müraciət edə biləcəyiniz müxtəlif təşkilatlar var. Universitetlərin özündə də təqaüd proqramları mövcuddur. Müsbət cavabın verilməsi sizin təhsil göstəricilərinizdən asılıdır. 

Almaniyada təhsil təqaüdü verən ən məşhur təşkilatlardan biri DAAD – “Deutscher Akademischer Austauschdienst” təşkilatıdır. DAAD Azərbaycan vətəndaşlarına bir neçə istiqamətdə təqaüd proqramı təklif edir. 

1.    Doktorantura və araşdırma üçün
2.    Universitet məzunları üçün
3.    Bakalaviatura və magistratura tələbələri üçün

Almaniyada magistratura və doktorantura pilləsində təqaüd tapmaq şansınız daha çoxdur. 

“Konrad-Adenauer-Stiftung”, “Friedrich-Ebert-Stiftung”, “Rosa-Luxemburg-Stiftung”, “Hanns-Seidel-Stiftung”, “Friedrich-Naumann-Stiftung”, “Heinrich-Böll-Stiftung” kimi fondlar sizin təhsilinizə kömək edə bilər
 

Almaniyada oxumaq qərarı adlğınız gündən “Görəsən, Almaniyada yaşamaq bahadırmı?” sualı sizi tərk etmir. Bu ölkədə sizi gözləyən xərclərə nəzər yetirək.  

Almaniyada universitetiniz pulsuz olduğuna görə siz bəri başdan qənaət etmiş sayılırsınız. Bu, əla başlanğıcdır. 

Əgər yaşamaq üçün dövlət yataqxanasını seçsəniz, burada da büdcənizə əməlli-başlı fayda vermiş olacaqsınız. Universitet yeməkxanalarında sizi həm də dadlı və ucuz yeməklər gözləyir. 

Özəl yataqxanana qalsanız və ya kirayə tutduğunuz evdə tək yaşasanız, xərclərinizi bir qədər artırmış olursunuz. Ölkədaxili və xarici səyahətləri, mədəni və sosial tədbirləri də əlavə edirik. 

Bütün bunlarün üstünə az miqdarda universitet xərclərini də hesablasaq, şəhərə görə dəyişən qiymətlərlə sizə bir ay ərzində təxminən 600-1000 avro arasında xərclik lazım olduğunu deyə bilərik.